Horyaalka Talyaaniga ee Seria A oo dib u furmay,* SS Lazio oo Ac Milan mudo 22 sano ah aan Gurigeeda uga soo badin iyo Miroslav Klose oo Goolkiisii ugu horeeyey ka xareeyey Ac Milan,* Tababare caan ah oo Qarankiisa laga ceeyriyey ka dib markii uu Haweeney garaacay,* Xiddig ku cusub Fc Chelsea oo Riyo cusub bilaabay & Faaqidaada Horyaalada+World Sport News  (Halkaan ka Daawo Sport News & Juventus oo Garoon Cusub furatay !)

( 55.000 oo Taageereyaal ah ayaa soo xaadirtay Giuseppe-Meazza-Stadium) : Horyaalka Talyaaniga oo dib u furay waxaa Jaanis weeyn iska beerdareeysay kooxda SS Lazio oo xili ciyaareedkaan Laacibiin caan ah soo iibsatay. SS Lazio wexeey 0-2 ku hogaamineeysay Ciyaartii furitaanka Horyaalka Seria A-ga Talyaaniga kulan adag oo dhex maray Ac Malin oo gurigeeda ku ciyaareeysay iyo SS Lazio oo marti eheed (.
 
Naadiga Lazio oo goolasha ku hormaray ayaa waxaa u kala dhaliyey Weeraryahanda cusub ee  Reer Jarmal iyo reer France  waa Miroslav Klose (Daqiiqadii 12-aad) iyo Djibril Cisse (Daqiiqadii 21-aad) . Ac Milan oo intaas ka dib hurdada ka kacday ama Boorka iska jaftay ayaa SS Lazio 2-gool oo bareejo ah laqsiisay waxaana u kala saxiixay Weerayahanka Qaranka Sweden ee asal ahaan ka soo jeedo dalka Bosnia Zlatan Ibrahimovic (Daqiiqadii 29-aad) waxaana sii raacsaday goolka bareejada oo Teesto aad u qurxoon ahaa kana xareeyey SS Lazio Weeraryahanka Qaranka Italy Antonio Cassano (Daqiiqadii 33-aad) .Halkaan ka Daawo Ciyaarta http://www.youtube.com/watch?v=62u4q6gtpjE
 
Mudo hada laga joogo 22-sano kooxda SS Lazio ugama badin Ac Milan Gurigeeda wexeeyna Lazio iska beerdareeysay Jaanis eey Ac Milan Iskoorkaas 22-ka sano ah kaga jabin kartay. Ciyaarta ka dib Macalinka Ac Milan Mr Massimiliano Allegri oo Skysport Qeeybtiisa Italy la hadlayey waxa uu yiri sidan " Dad ayaa wexeey u maleeyeen inaan jilic sanahay waxa eey baryahaan Saxaafada buun buunisay waa been waxaana hubaa Naadiga Ac Milan inuu aad uga adag yahay sidii uu ahaa Horyaalkii la soo dhaafay oo Ac Milan eey hanatay,, . Halkaan ka Daawo Klose goolkiisii ugu horeeyey ee Serie A-ga http://www.youtube.com/watch?v=5XqpqVcP1Ho
 
*** Kooxaha kale ee sanadkaan sida weeyn isku soo dhisay Horyaalka Talyaaniga ee Serie A-ga waxaa ka mid ah As Roma oo uu maamule iyo Tababare ka noqday Xiddigii hore ee Qaranka Spain iyo Fc Barcelona Mr Luis Enrique oo gacan ka helaya Kaptanka As Roma Francesco Totti oo horyaalka Talyaaniga looga yaqaan ?Mr. Roma" .
 
As Roma oo Laacibiin badan soo iibsatay xili Ciyaareedkaan ayaa waxaa Fursadaas ka saaciday Maalqabeenka cusub ee u dhashay dalka Mareeykanka dhawaana la wareegay As Roma waa Mr Thomas Di Benedetto. Roma waxa eey la ciyaari doontaa kulankeeda ugu horeeya ee Horyaalka Talyaaniga kooxda Cagliari galabta Axada ah saacadu markeey tahay 15.00 Galabnimo xiliga Yurub.
 
***Kooxda kale ee xili ciyaareedkaan kacsan ama Saxaafada Caalamka eey buun buunisay waa Juventus Torino oo dhisatay Garoon aad u Qurux badan oo weliba xambaarsan Qalab casri ah oo laga qeeyliyey. (Sawirka kore ee bogaan xiriiriye.com fiiri).
 
Juventus waxaa Tababare u noqday oo kooxda Awoodeedii Ciyaareed soo celiyey Laacibkoodii hore una ciyaari jiray Qaranka Talyaaniga ee The Azzurri Power waa Antonio Conte oo gacan weeyn ka helaya Kaptanka Jakatooraha ah ee Gambiska badan waa Alessandro Del Piero.
 
Macalin Antonio Conte & Kaptan Alessandro Del Piero oo ka hadlay Xafladii furitaanka eheed ee Garoonka cusub oo ka dhacday magaalada Torino maalintii Arbacada eheed wexeey labadaan jakatoore u balan qaadeen Taageerayaasha Juve ugu yaraan ineey u soo gacan gelin doonaan xili ciyaareedkaan Scudetto oo ah Horyaalka Talyaaniga.
 
Juventus wexeey xili Ciyaareedkaan kooxda ku soo kordhisay Laacibiin da´yar oo Qaramo kala duwan u kala ciyaara waxaana lagu wadaa maalinta Axada ah saacadu markeey tahay 12-Duhurnimo ineey Garoonkeeda cusub ku marti geliso kooxda ka taajirtay iibinta Caanaha gasaceeysan waa Parma Football Club S.p.A.
 
*** Tababaraha cusub ee Inter Milan Mr Gian Piero Gasperini wuu diiday inuu faano ama ka hadlo horyaalka Talyaaniga oo biloow ah balse waxa uu farta ku fiiqay inuusan raali ka aheeyn ama ku faraxsaneeyn gaditaankii Weeraryahan Samuel Eto'o.
 
Kaptanka Inter Milan ku ag duqoobay una dhashay dalka Argentina Mr. Javier Zanetti wuxuu aad u amaanay Weeraryahanka cusub ee lagu buuxiyey booskii Laacib Samuel Eto'o waa Xiddiga reer Uruguay Diego Forlan oo ab ka ab ilaa awoowgiis 4-aad uu ahaa ama ahaayeen Laacibiin laga qadariyo Qaranka Uruguay oo hada heeysta koobka Qaramada Laatiin America.
 
Kooxda Inter Milan ayaa Isbuucii la soo dhaafay wexeey ka naxday Qoraal uga yimid Xiriirka UEFA kaas oo ahaa inuusan Champions League kulamadiisa hore dheeli karin Ciyaaryahan Diego Forlan oo lagu heeystay inuu hal kulan u soo saftay Atletico Madrid oo ah kooxdiisii hore waana is reeb reebka koobkii Europa League oo horay loogu yeeri jiray Ex-Jabhadii UEFA Cup-ka.
 
Inter Milan Isbuucaan weey ka duwan tahay kooxaha kale sida Ac Milan oo gurigeeda SS Lazio ku qaabishay ,Juventus, As Roma iyo Fiorentina oo dhamaan Garoomada eey ka taliyaan loogu imaan doono balse Inter Milan Habeenka Axada ah sacaadu markeey tahay 20.45 wexeey kulan adag Cagaha iska tumi doonaan kooxda Palermo oo ku ciyaareeyso Gurigeeda weliba ka hadleeysa xili ciyaareedkaan Sanka maadaama ebid Taariikh ahaan Lacagtii ugu badneed eey ka heleen Xiddiga qadka dhexe ee reer Argentina waa Javier Matias Pastore oo kooxda  Paris Saint-Germain ee Horyaalka Faransiiska eey kula wareegtay Lacag Caqli ka fooq ah.
 
 
Javier Matias Pastore waa xiddig 22 jir ah wuxuuna ku ciyaari karaa ama si layaab ah kubada ugu Shuudaa ama Darbeeyaa Lugtiisa Midig iyo tan bidix oo isku awood ah wuxuuna fara cidiyo leh kaga baxsaday oo ku haminayey ineey si deg deg ah ku soo iibsdaan kooxaha Fc Barcelona,Ac Milan, Fc Liverpool,As Roma iyo Fc Chelsea. 
 
 Ciyaaryahan Javier Matias Pastore hada wuxuu heeystaa French-Record-ka Xiddiga ugu qaalisan Horyaalka France wexeeyna kooxda Paris Saint-Germain kaga soo iibsatay Palermo isku dar Lacag kor u dhaaftay 42-Milyan oo Euro in kastoo Macalinka Fc Chelsea Mr. Andre Villas- Boas uu dib ka sheegay ineey ku doonayeen ama u diyaariyeen Laacibkaas Labadiisa Lugood eey isku awooda noqdeen Adduun uu ku sheegay Tababare Boas 50-Milyan oo Euro wuxuuna ka qaalisanaan lahaa hadii eey Fc Chelsea soo iibsan leheed Saaxiibkiisa kale ee reer Argentina una Ciyaara Man City waa Sergio Kun Aguero oo 45-Milyan oo Euro hogaanka ku haya Beeca xili Ciyaareedkaan ee Kawaanka Ciyaartooyda.
 
FIIRO GAAR AH: Kooxda Atalanta oo ku jirta kooxaha Horyaalka Talyaaniga wexeey muteeysatay Ganaax afgelis ah oo kaga yimid Xiriirka kubada cagta ee Talyaaniga. Atalanta ha badiso ama yeeysan badin kulamada horyaalka Talyaaniga waxaa horyaalka oo bilaaban loo soo dhajiyey boor eey ku qorneed in 6-dhicood laga xayuubiyey. Atalanta ayaa lagu heeystaa musumaasuq iyo Laaluush eey adeegsatay Horyaalkii ugu dambeeyey ee dalka Talyaaniga.
 
KOOXAHA HORYAALKA TALYAANIGA AYAA BERI SIDAN ISKU ARKI DOONA: