La Yaab : Taageerayaasha kooxda Fc Barcelona oo ka yaabsaday dhamaan bahda Kubada Cagta ee Caalamka , * Walaal Xume David Beckham oo Boqolaal Milyan oo Euro Bankiyada ku ogaaday halka Walaashiis Lynne eey Faqri iyo waxa loo yaqaan Ceeyrta ku nooshahay, * Mexeey Saxaafada Caalamka  Arinkaan ka yiraahdeen ?   Maxaad kala socotaa Qalabkii ugu dambeeyey Qiimaha uu ka soo bixiyey?  & Warar kii ugu dambeeyey ee World Sport News !! (War Bixin Tarjuman)

(La Yaaab-Sport) David Robert Joseph Beckham oo ah Xiddigii hore ee Qaranka Ingiriiska & Kooxaha Man Utd, Real Madrid ,Ac Milan iyo kooxda Los Angeles Galaxy ayaa inta badan Saxaafada Sportiga ee Caalamka wexeey ugu magac dareen Eray Soomaali ahaan u dhigma (Walaal Xume) .
 
David Robert Joseph Beckham waxaa lagu heeystaa oo lagu soo cadeeyey in uu Dayacay ama inkiray Walaashiis ka weeyn Haweeneeyda lagu magacaabo Lynne Beckham oo 38-jir ah. Saxaafada ayaa soo bandhigtay Sawiro muujinaya Faqriga eey ku nooshahay Lynne Beckham oo ah David Beckham Walaashiis halka David Beckham Hantidiisa ama Lacagtiisa eey kor u dhaaftay 180-Milyan oo Euro.
 
Waxaa La Yaab mudneed markii  Jaraaidyada ka soo baxa dalka Ingiriiska eey soo bandhigeen David Beckham oo Timaha ku jarta Lacag Caqli ka fooq ah halka Isbuucii la soo dhaafay uu Party ugu dhigay Xaaskiisa Victoria Adduun lagu sheegay 40.000 oo Euro wuxuuna isla Isbuucaan gudihiisa Lacag kor u dhaaftay 15.000 oo Euro Qalabkii hore kaga badalay Qolka Caruurtiisa sida eey Walaashiis Lynne Beckham Saxaafada u soo bandhigtay.
 
 Lynne Beckham wexeey dhashay 2-Wiil oo lagu kala magacaabo Josh iyo Freddie wexeeyna ku nooshahay Lacagta Wadamada Yurub looga Yaqaan Ceeyrta oo inta badan lagu kabo dadka aan Shaqeeysan si looga dabaro Nolashooda waxaa sidoo kale laga dhiibaa Kirada Guryaha eey degan yihiin. Lynne Beckham oo la hadleeysay Tv-ga Skysport wexeey tiri sidan : " Nolol adag ayaan ku jiraa Walaalkeey David Beckham-na Raaxo midii ugu wanaagsaneed ayuu dhex dabaalanayaa mana aha arinkaas wax Dunida ku cusub oo waxaa Ehelka Walaaleeyo waa Wadne furan ee ma ahan Lacag iyo Damaashaad " 
 
Dhanka kale Ciyaaryahan David Robert Joseph Beckham oo la hadlaayey The Mirror Breaking Football News waxa uu yiri sidan " Lynne ma ahan ineey Saxaafada horteeda igu xag xagato hana ogaato ineey Qalad suubisay markii eey iska iibisay Dharkii Qaaliga ahaa ee aan u soo iibiyey Arooskeeda oo dhacay 1999-kii  waxaana u sheegayaa ineeysan igu tashan mar walba oo eey Shaqeeysato ama is dabarto. 
 
Arinta Walaalahaan is diidan ayaa waxaa si Wanaagsan uga faaideeystay Saxaafada Sportiga ee Caalamka kuwaas oo isku mashquuliyey wareeysiyada Walaalahaan kala haaday ee kala ah (David Beckham Vs Lynne Beckham)
 
Ex-Player David Robert Joseph Beckham waxa uu ku dhashay 2.5. 1975-tii Xaafada Leytonstone oo ka tirsan Magaalada London ee Caasimada dalka Ingiriiska wuxuuna hada Faaniyaa ama Xayeeysiiyaa isaga iyo Xaaskiisa Victoria Beckham Barafuunada, Kareemada Jirka loo isticmaalo iyo Dharka Sportiga. David Beckham inta badan waxaa Caalamka looga yaqaan (The king of  free kick > Boqorka Bilision-ka) ! 
 
*** WARAR KII UGU DAMBEEYEY EE WORLD SPORT NEWS WEXEEY NAGU SOO GAARAYAAN SIDAN : ***
 
 
*** Kooxda Kubada cagta ee juventus ayaa wexeey qarka u saaran tahay ineey soo xero geliso Macalin Luis Van Gaal oo u dhashay dalka Holland. Aritaan waxaa Shaaciyey Jaraidka ugu caansan dalka Talyaaniga ee Corriere dello Sport oo soo xiganaayey ninka kooxda juventus Sportdirektoorka ka ah ee lagu magacaabo Fabio Paratici.
 
Juventus waxaa hada Tababare u ah Macalin Luigi del Neri waxaana kulankii ugu dambeeyey ee kooxda Chievo 2-2 ku kala bexeen ka dib Saxaafada la hadlay isaga oo Xanaaqsan cir & Dhul-na maraayo Masuulka ugu sareeyo Kooxda Juventus (Generaldirektor Beppe Marotta) oo yiri sidan: " Waxaan idin leeyahay oo idiin sheegayaa in 100% uu kooxda iskaga tegi doono Macalin Luigi del Neri oo kooxda aan waxba ku soo kordhin marka laga reebo Bareejo, Guul & Guuldarooyin is daba socda .
 
*** Kooxda kubada cagta ee Real Madrid ayaa waxaa moodaa ineey si wanaagsan ugu soo jeesatay sidii eey ku soo iibsan leheed Laacibiinta u dhashay ama ka soo jeeda dalka Turkiga. Real Madrid wexeey soo xero gelisay oo 10-Milyan oo Euro ku soo iibsatay Mucjisada Qadka dhexe ee Qaranka Turkiga iyo kooxda Dortmund Nuri Sahin oo kooxdiisa u soo qaaday Horyaalka Germany.
 
Real Madrid ayaa hada wexeey soo bandhigtay ineey u baahan tahay Xiddiga Qaranka Turkiga & Kooxda Fc Bayern Munchen Hamit Altıntop. Horay waxaa kooxda Real Madrid ugu joogay ama aad uga heshay Mesut Mustafa Ozil oo asal ahaan ka soo jeeda dalka Turkiga balse u safta Qaranka Germany. Mucjisada Dhexda Mr Nuri Sahin waxaa uu noqday Laacibkii ugu qaalisanaa ee Lacag sidaas u faro badan lagu soo iibsado isaga oo u safta Qaranka Turkiga.
 
 
*** Taageerayaasha kooxda Fc Barcelona oo ka yaabsaday dhamaan bahda kubada cagta ee Caalamka. Xiriirka kubada cagta ee  (UEFA) qeeybtiisa Iibinta Tikitka Ciyaarta Fiinaalaha ah ee The Uefa Champions League ayaa Madaxa gacmaha saartay. 96.000 oo qof kana tirsan Taageerayaasha kooxda Fc barcelona ayaa wexeey soo dalbadeen Tkitka ciyaarta Fiinaalaha Chmpions League oo lagu wado ineey ka dhacdo 28.5,2011 Garoonka weeyn ee Wembley-Stadium oo ku yaal Magaalada London ee Caasimada dalka Ingiriiska. Uefa oo arinkaan diiday wexeey la yaabeen sida eey suurto gal ku noqon karto Dalabkaas uga yimid Taageerayaasha kooxda Fc Barcelona maadaama uu Garoonka Wembley-Stadium qaado 86.000 oo Taageere halka 24.000 oo ka tirsan Tikitka Ciyaarta loo qoondeeyey in farta laga saaro Taageerayaasha kooxda Manchester United.
 
Xiriirka Uefa wexeey Barta Internetka ku soo bandhigeen in 16.000 oo ka mid ah  96.000 ee soo dalbatay Tikitka Fiinalaha eey yihiin Taageerayaal ka tirsan kooxda Fc Barcelona oo ku kala nool Gudaha dalka Ingiriiska,Mareykanka, Holland iyo Talyaaniga.
 
***  Kooxda kubada cagta ee Ac Milan oo Isbuucaan si laab ah ugu guuleeysatay horyaalka Talyaaniga ee Serie A-ga ayaa waxaa dhulka ku jiiday oo Riyadii Coppa-Italia Jeebka dambe u galisay kooxda Palermo.  Milan oo rabtay ineey Sanadkaan isku darsato Horyaalka Talyaaniga iyo Koobka Talyaaniga oo mudo aad u fog ugu dambeeysay waxaa 2-1 ku suul daartay kooxda Palermo oo noqotay Naadiga Ac Milan Mudooyinkii ugu dambeey Malaariyada ku riday. Goolasha Palermo Ac Milan ku garaacday waxaa u kala saxiixay Ciyaartooyda kala ah Giulio Migliaccio Daqiiqadii 63-aad iyo Cesare Bovo oo Rigoore dhaliyey Daqiiqadii 73-aad.
 
Goolka kooxda Ac Milan waxaa u saxiixay Daqiiqadii 90-aad Xiddiga Qaranka Sweden Zlatan Ibrahimovic waxaana kooxda Ac Milan Rooso lagu aamusiyey Xiddiga Xanaaqa badan ee Qaranka Holland Mark Van Bommel Daqiiqadii 72-aad balse 3-daqiiqo ka dib waxaa dhanka Palermo Baf baftiisa la celin waayey Ciyaaryahan Bovo oo isna Rooso loo dhiibay.
 
Palermo wexeey Ciyaarta Finaalka Koobka Talyaaniga sugeeysaa cidii soo baxda kooxaha Inter Milan Vs As Roma oo si weeyn iskugu dhaarsan maadaama labada kooxoodba eeysan Sanadkaan wax koob ah soo xareeyn.
 
  
*** Kooxda Manchester City ee Horyaalka England ayaa wexeey xaqiijisay ineey ka qeeyb geli doonto xili ciyaareedka soo socda isreeb reebka koobka Horyaalada Yurub ee Uefa Champions League 2011/2012. Man City wexeey Daaqa ka saartay oo Booska sadexaad ka degtay Kooxda Tottenham oo Iimaanyook ku noqotay. Man City oo 1-0 ku badisay waxaa goolka kooxdiisa ka dhaliyey ama si qalad ah uga xareeyey xiddiga Qaranka England Peter Crouch Daqiiqadii 30-aad.
 
Kooxda Man City ka qeeyb galka koobkaan caalamiga ah waxaa ugu dambeeysay Sanadkii  1968/69 .

*** Xiddiga Qaranka Portugal iyo kooxda Real Madrid Cristiano Ronaldo ayaa Isbuucyadii ugu dambeeyey waxa uu Daris la noqday Goosha . Cristiano Ronaldo Isbuucii la soo dhaafay 4-Gool waxa uu ka soo xareeyey kooxda Fc Sevilla hadana waxa uu 3-Gool ku asqeeyey kooxda Getafe. Real Madrid oo ciyaartay kulan ka tirsan horyaalka Spain ee La Liga wexeey 4-0 kaga badiyeen Naadiga Getafe 3-da gool ee uu C.Ronaldo uu dhaliyey marka laga soo tago waxaa Goolka 4-aad ku raaxeeysatay Xiddiga Reer France Karim Benzema. Kooxaha kale ayaa sidan isku arkay. >>> Deportivo La Coruna wexeey 2-1 laabta u gelisay Athletic Bilbao, Malaga oo la Taliye uu ka noqday Maalqabeen u dhashay dalka Qadar 2-0 ayey ku macsalaameeysay kooxda Sporting Gijon, Racing Santander oo naf la caari eheed wexeey ku bar baratay oo 2-1 uga badisay naadiga Atletico Madrid.

Maanta waxaa La Liga is arki doona kooxaha kala ah :

11.05.	20:00	UD Almeria	-:-	FC Villarreal
11.05.	20:00	UD Levante	-:-	FC Barcelona
11.05.	20:00	Real Sociedad	-:-	Real Zaragoza
11.05.	21:00	Espanyol Barcelona	-:-	FC Valencia
11.05.	21:00	Hercules Alicante	-:-	RCD Mallorca
11.05.	22:00	CA Osasuna	-:-	FC Sevilla

 
Filo Goor Dhaw Warar Sport oo Top News ah !
 
Balanteenu waa Xiriiriye iyo Xaqiiqo, Warar Xayi ah oo loo wada Xiisay, Xog Sport iyo Xaalada Ciyaaryahanada, Xiriir Wacan iyo Xiiso Banooni !!