Lionel Messi oo iska dhex Dabaashay Difaaca kooxda Real Madrid iyo Macalin Jose Morinho oo Kaartada & Shaxda Ciyaarta si weeyn uga xumaatay Saadaashii Xiriiriye.com oo si wanaagsan ku socota >> Fc Barcelona Vs Man Utd oo Finaalka hilfaha isku qaadi doona !! (Falaqeeynta Champions League Halkaan ka Daawo Ciyaarta Real Vs Barca)

Real Vs Barca : Kulan aad u adag oo dhex maray kooxaha ifka iskugu neceb weliba Naceeybkooda baaxada weeyn qarsan waayey ayaa waxaa 0-2 Gurigeeda Santiago Bernabeu lagu dubtay kooxda (Hala Ole Calakticos Real Madrid ) .
 
Kulankaan oo ahaa is araga hore ee Semifiinaalaha Koobka Horyalada Yurub ee The Euefa Champions League ayaa wexeey labada kooxood soo bandhigeen Ciyaarta qeeybteedi hore ciyaar isku dheeli tiran in kastoo mararka qaar Jilaafo & Sabaaxad raaxada la iskaga qaaday. Macalinka kooxda Real Madrid Mr.Jose Morinho ayaa markii ugu horeeysay Taariikhda inta la ogyahay waxa uu sameeyey Shax qaldan oo aaqiritaankii sababay ineey Gacmaha kor u taagaan qaar ka tirsan Ciyaartooyda kooxda Real Madrid.
 
Tababare Jose Morinho oo Ciyaarta qeeybteedii hore afka hore geeyey Cristiano Ronaldo oo kaliyah ayaa Natiijadaas wexeey sababtay inuu Gacmaha kor u taago C.Ronaldo ka dib markii kubadii uu raacanayey kali ku noqday ama eey isku Paas paaseen Difaaca kooxda Fc Barcelona sida  Gerard Pique iyo Kaptan Carles Puyol . Qaladka 2-aad ee Macalin Jose Morinho uu sameeyey ayaa eheed markii uu siibay Ciyaaryahan Mesut Özil ka dibna keenay Weeraryahan Emanuel Adebayor.
 
Arinta sida weeyn loola yaabay ayaa wexeey eheed Tababare Morinho oo Binji ku haayey Xiddigihii Isbucaan kooxda Valencia oo ku dheeleeyso gurigeeda 5-ta Gool ka soo dhaliyey waa Laacibiinta kala ah Gonzalo Higuain iyo Ricardo Kaka.
 
Macalin Morinho ayaa Korantada ka tagtay markii Rooso la taagay Xiddigii ugu wanaagsanaa kooxda Real Madrid oo ahaa Pepe wuxuuna Rooso ku qaatay Sabaaxad uu la kacay Dani Alves. Wixii intaas ka dambeeyey Macalin Morinho wuxuu caay la daba kacay Alabiitaraha iyo Calanwadaha isaga oo leh sidan " Funaanada Barcelona ayaa idiin dhiman ee ka soo siibta Wasaqiin yaheey " Intaas ka dib Morinho waxaa laga saaray Garoonka oo waxaa loo diray Tarabuunaha sare balse sidaas kuma harin ee waxa uu sameeyey Fadeexo kale waxaana la arkay isaga oo mid ka mid ah Kalkaaliyeyaashiisa Warqad Taktiko cusub ah u soo dhiibay si kooxda Real Madrid oo Pepe laga saaray ugu yaraan Fc Barcelona 0-0 la gasho. Sanadkii 2007 ayeey Eufa mamnuucaday Tababare Anshax xumo looga saaray kooxda inuusan Nidaamkeeda waxba ku yeelan karin waxaana Telefishinada laga daawaday Morinho oo kooxda Warqad si qarsoodi ah ugu maamulaayo.
 
Dhanka Kooxda Fc Barcelona waxaa Rooso laga siisay Goolhayihii Keeydka u ahaa oo lagu magacaabo Jose Pinto waxaana dhanka kooxda Real Madrid ka maqnaan doona is araga wajiga 2-aad  oo ka dhici doono magaalada Barcelona iyo Garoonka Camp Nou Xiddigaha kala ah Sergio Ramos iyo Pepe.
 
Laga soo bilaabo Sanadkii 1902 ilaa hada oo lagu jiro 2011 kulanka dhex maray kooxahaan Ifka iskugu neceb ayaa waxa uu yahay kiisii 212-aad. Goolasha kooxda Fc Barcelona oo aad u qurux badnaa ayaa waxaa Daqiiqadihii 76-aad iyo 87-aad u kala saxiixay Xiddiga Qaranka Argentina Lionel Messi oo marka la isku daro dhamaan goolasha uu kooxda Fc Barcelona u saxiixay ka dhigeeyso 51-Gool. Garsooraha ama Alabiitaraha Ciyaarta ayaa waxa uu ahaa Wolfgang Stark oo u dhashay dalka Germany.
 
Taageerayaashii Garoonka Bernabeu-Stadium soo xaadirtay tiradooda wexeey ahaayeen 71.000 oo Qof.
Kooxaha Real Madrid Vs Fc Barcelona ayaa sidaan isku qaabilay :
 
Real Madrid: Casillas - Arbeloa, Ramos, Albiol, Marcelo - Xabi Alonso, Pepe, L. Diarra - Ronaldo, Özil (46./Adebayor), Di Maria
 
Barcelona: Valdes - Alves, Pique, Busquets, Puyol - Xavi, Mascherano, Keita - Pedro (71./Afellay), Messi, Villa (90./Roberto)

Halkaan ka Daawo Ciyaarta >>> http://www.youtube.com/watch?v=Uk8Y5hEGP2s
 
Is araga 2-aad waxa la ciyaari doonaa 3-da Bisha Meey.
Dhanka kale waxaa weli si wanaagsan u socoto Saadaashii xiriiriye.com ee eheed Champions League 2010/11 waxaa Finaalaha isku arki doona Man Utd Vs Fc Barcelona !!

!! Balanteenu waa Xiriiriye iyo Xaqiiqo, Warar Xayi ah oo loo wada Xiisay, Xog Sport iyo Xaalada Ciyaaryahanada, Xiriir Wacan iyo Xiiso Banooni !!

Waxaa Diyaariyey : Cumar Cali Cumar (Cumar Sii Sii ) Xiriiriyaha Sportiga , Fanka & Mucjisooyinka Caalamka http://www.xiriiriye.com/ omarinnho@hotmail.com