Saadaashii Xiriiriye.com oo Fiinaal soo Caga dhigatay, Yaa Qaadi doono Koobka? <>Taageerayaasha & Ciyaartooyda Fc Barcelona oo Eric Abidal Taageere weeyn u noqday,* Xabi Alonso iyo C.Ronaldo oo Hadal la la yaabay Saxaafada siiyey, * Man Utd Fiinaalaha Champions League ma ka aarsan doontaa Fc Barcelona ? * Raúl González oo sheegay in Taageerayaasha Old Trafford eey Ciyaartooyda ManU ka soo horjeeda Qal qal galiyaan, * (Halkaan ka Daawo Faaqidaada Champion-ka &Taageere Fc Barcelona ah oo Rabay inuu C.Ronaldo Koofida Barca Madaxa u galiyo) 

 (War Bixin Fc Barcelona Vs Real Madrid ) Kooxda kubada cagta ee Catalonia Fc Barcelona ayaa xaqiijisay ineey taagan tahay Ciyaarta kama dambeeysta ah ee Koobka Uefa Champions League oo lagu wado in lagu qabto 28.5.2011 Garoonka Wembley Stadium oo ku yaal Magaalada London. Fc Barcelona wexeey 1-1 la gashay kooxda Real Madrid oo eey Ifka iskugu neceb yihiin.
 
Kulankii hore ee ka dhacay guriga kooxda Real Madrid oo ku soo dhamaaday 0-2 iyo kan hada ka dhacay Guriga Fc Barcelona oo labada kooxood eey ku kala bexeen 1-1 ayaa isku dar waxa uu ka dhigayaa Goolasha eey kooxda Barcelona ka dhalisay Real Madrid 3-1. Goolka Fc Barcelona waxaa Daqiiqadii 54-aad ee ciyaarta qeeybteedii dambe u saxiixay Ciyaaryahan Pedro Eliezer Rodríguez Ledesma balse 10-daqiiqo ka dib waxaa Real Madrid goolka Bareejada u dhaliyey Ciyaaryahan Marcelo Vieira da Silva Júnior Daqiiqadii 64-aad. Halkaan ka Daawo Ciyaarta >>> http://www.youtube.com/watch?v=A8b-4hhxmVc .
 
*** Taageerayaasha iyo Ciyaartooyda kooxda Fc Barcelona ayaa si weeyn ula dabaal degay ama u soo dhaweeyey Xiddiga Qaranka France & kooxda Fc Barcelona Eric Abidal oo dhawaan maray Qaliin halis ah oo dhanka Caloosha ama beerka looga sameeyey, Eric Abidal waxa uu badal ku soo galay ciyaarta Daqiiqadii 91-aad wuxuuna badalay Carles Puyol.
 
*** Ciyaarta intii eey socotay waxaa Garoonka weeyn ee Camp-Nou soo dhex galay Taageere lagu sheegay inuu Dhiigiisa midabka Fc Barcelona noqday wuxuuna Ninkaan wareersan doonayey inuu Cristiano Ronaldo u galiyo Koofi ka sameeysneed Midabka Barca.
 
*** Xiddigaha kooxda Calaktikos Real Madrid ee kala ah Cristiano Ronaldo iyo Xabi Alonso wexeey wareeysiyo aan horay looga baran oo xambaarsan Fadeexo hawada u marsiiyeen qqar ka mid ah Garsoorayaasha ama Alabiitarayaasha.
 
Cristiano Ronaldo waxa uu yiri sidan : " Qaar ka mid ah Alabiitayaasha wexeey qarsan waayeen Taageeradooda Fc Barcelona hadaan ogaan leheen ineey waxaan dhacayaan halkii aan ka nimid kama soo dhaqaaqi laheeyn oo Fc Barcelona Kubada kaligood ayaan u deeyn leheen waxaana Alabiitarayaasha ugu dari leheen Koobka Spain ee aan heeysano si eey Fc Barcelona isagana farta uga saaraan, Cristiano Ronaldo oo hadal kiisa sii wata waxa uu yiri Garsoore iyo Shaqsi adag Pierluigi Collina ayaan u aqaan "
 
*** Xabi Alonso oo isna dhankiisa eey ka muuqatay murugo baaxad weeyn ayaa waxa uu yiri sida tan : " Waxaa hubaal ah in uu Firimbiga/Seeriga uu na reebay oo Ciyaar aanan na lagu reebin wax kastoo dhacay-na qaladkeeda waxaa lahaa Alabiitarayaasha sida tooska ah ula saftay Fc Barcelona oo inta badan Ciyaartooyda kooxda Real Madrid Dhaawacyo aan qarsooneyn u wada geeystay.  Alabiitarihii Ciyaarta Fc Barcelona Vs Real Madrid dhex dhexaadinaayey waxaa lagu maga caabaa Frank de Bleeckere wuxuuna u dhashay dalka Beljimka. Garoonka kooxda Fc Barcelona ee Camp Nou waxaa soo xaadirtay 98.000 kun oo Taageere.
 
Kooxaha Fc Barcelona Vs Real Madrid wexeey isku qaabileen qaabkaan :
Barcelona: Valdes - Dani Alves, Mascherano, Pique, Puyol (91./Abidal) - Xavi, Busquets, Iniesta - Villa (74./Keita), Messi, Pedro (92./Afellay)
 
Real Madrid: Casillas - Arbeloa, Carvalho, Albiol, Marcelo - Lass Diarra,
Alonso - Ronaldo, Kaka (60./Özil), Di Maria - Higuain (55./Adebayor)
 
Waxaa Jaale lagu Aamusiyey Ciyaartooyda kala ah Pedro oo Fc Barcelona u ciyaara iyo Carvalho, Lass Diarra, Alonso, Marcelo, iyo Adebayor oo dhamaantood Real Madrid u safta.
 
***  Kooxda Manchester United wexeey isku dar 6-1 Hawada kaga qarisay kooxda Fc Schalke oo Germany ka socotay.
 
 
Manchester United oo horay 0-2 guriga Fc Schalke (Gelsenkirchen) ugu soo badisay ayaa mar labaad wexeey Schalke ugu dhameeystirtay 4-1.
Kooxda Man Utd waxaa Goolasha u kala saxiixay Ciyaartooyda kala ah Xiddiga Qaranka Ecuador Antonio Valencia Daqiiqadii 26-aad  . Ciyaaryahan Darron Thomas Daniel Gibson Daqiiqadii 31-aad iyo Xiddiga reer Brazil Anderson Luis de Abreu Oliveira oo labo Gool kala dhaliyey Daqiiqadihii 72-aad iyo 76-aad.  Kooxda Man Utd ayaa lagu wadaa ineey Ciyaarta Finaalka ah ee Koobka Champions League 2010/2011 ka aarsato kooxda Fc Barcelona oo Sanadkii 2009-kii Man Utd Dharka ka dhigtay iyada oo qaawan-na u soo dirtay dalka England ka dib markii eey 2-0 kaga fara marooqsatay koobkii Ciyaartii Fiinaalaha Champions League 2009 oo ka dhacday Magaalada Roma ee Caasimada dalka Talyaaniga.
 
Garsoorihii dhex dhexaadinayey Kooxaha ManU Vs Fc Schalke waxa uu ahaa Proenca oo u dhashay dalka Portugal. Garoonka Kooxda Shayaadiinta Cas Cas ee The Red Devils Man Utd (Old Trafford ) waxaa soo xaadirtay 74.607 Taageereyaal ah. Halkaan ka Daawo Ciyaarta Man Utd Vs Fc Schalke >>> http://www.youtube.com/watch?v=nE8UwT4fY40
 
Kooxaha Man Utd Vs Fc Schalke wexeey isku arkeen qaabkaan :
 
Manchester: Van der Sar - Rafael (60./Evra), Smalling, Evans, O'Shea - Nani, Anderson, Scholes (72./Fletcher), Gibson - Valencia, Berbatov (77./Owen)
 
Schalke: Neuer - Uchida, Höwedes (70./Huntelaar), Metzelder, Escudero - Papadopoulos - Farfan (75./Matip), Jurado, Baumjohann (46./Edu) - Raul, Draxler
 
Garoonka waxaa ugu wanaagsanaa oo Fak faktooda la celin waayey Ciyaartooyda kala ah Valencia, Anderson, iyo Smalling oo dhamaantood ka tirsan Ciidamada ManU halka Fc Schalke uu ugu wanaagsanaa Ciyaaryahan Jurado wexeeyna Ciyaarta ka jiiftay Weeraryahan Raul Gonzalez oo horay u sheegay intii eeysan ciyaarta bilaaban inuu ku dhex wareero Garoonka Old Trafford xiliga eey Taageerayaasha kooxda Man Utd Qeeylada la daba galaan Ciyaartooyda ka soo horjeeda kooxda Shayaadiinta Cas Cas.
 
Waxaa Jaale lagu sagootiyey Ciyaaryahanada kala aha Gibson, Anderson, iyo Scholes oo dhamaantood Man Utd ka tirsan iyo Escudero oo Fc Schalke u safta.  Ugu dambeentii Fiinaalka Koobka The Uefa Champions League 2010/2011 ayaa lagu wadaa ineey 28.5.2011 Maalin Sabdi ah Magaalada London ee Caasimada dalka Ingiriiska isku Meeyd garaacaan kooxaha Manchester United Vs Fc Barcelona oo isku qaba Xarash aan caadi aheeyn.

Waxaa weli si sax ah ku socoto Saadaashii Xiriiriye.com waxaana koobka Sanadkaan u saadaalinay ineey Xalaaleeysan doonto kooxda Catalonia Fc Barcelona oo run ahaantii dhinac kaste Derbi aan la dhaafi karin ka ah weliba ku darsatay Dheg dheg iyo Spirit inkastoo waxaanu eey Kubad tahay lagana yaabo ineey Man Utd Ciideeda hooyo ee London Cidiyaha ku dirirto !!

Halkaan ka Daawo Champions League Finale 2009 sidii loo Silciyey Man Utd oo iska ilaalin weeysay Samuel Eto´o & Leo Messi balse hada Eto´o oo dhuumasho badnaa ma joogee yaa ka celin doona Shayaadiinta Cas Cas David Villa & Aaw Gaaboow Leo Messi oo Xiddig ka dhuumasho badan Maslaxa Ciyaaraha laga waayey >>> http://www.youtube.com/watch?v=IDHiDdxSFW4
 
Balanteenu waa Xiriiriye iyo Xaqiiqo, Warar Xayi ah oo loo wada Xiisay, Xog Sport iyo Xaalada Ciyaaryahanada, Xiriir Wacan iyo Xiiso Banooni !!